„Já að sjálfssögðu, við töpuðum leiknum, en ég er aðallega bara svekktur með þessi atriði sem urðu til þess að við töpuðum leiknum.'' Voru fyrstu orð Tryggva eftir leikinn.

„Við vorum í raun betri aðilinn í fyrri hálfleik fram að því að við gleymum okkur og fáum mark á okkur, í kjölfarið af því fær markmaðurinn okkar svo rautt spjald og þá er þetta þungt, ekki bara það að vera einum færri heldur að vera ekki með varamarkmann, þá verður þetta aðeins erfiðara.'' Hélt Tryggvi svo áfram.

„Nei í rauninni ekki skondið heldur bara óíþróttamannsleg hegðun hjá leikmanni númer 10 hjá KV sem einhverra hluta vegna tekur upp snjó og kastar framan í markmanninn okkar en það afsakar ekki það sem markmaðurinn okkar gerði, maður á bara að vera meiri maður og reyna að bíta á jaxlinn en svona eru oft fyrstu viðbrögð þegar einhver gerir manni eitthvað og hann ýtti honum í jörðina, dómarinn sá það en hann sá ekki snjókastið og svoleiðis var það bara.'' Sagði Tryggvi um rauða spjaldið sem Snæþór markvörður Vængjanna fékk.

„Þetta er búið að vera flott, ég er mjög ánægður með strákana og þeir hafa staðið sig vel á æfingum og þessum leikjum sem við höfum tekið.'' Sagði Tryggvi um þessa fyrstu mánuði sem aðalþjálfari Vængjanna.