Arsenal lánar Marquinhos til Fluminense (Staðfest)
Mynd: EPA
Mynd: EPA
Marquinhos er genginn til liðs við Fluminense í Brasilíu frá Arsenal.
Þessi tvítugi vinstri kantmaður gekk til liðs við Arsenal frá Sao Paulo sumarið 2022. Hann spilaði sex leiki með liðinu og skoraði sitt fyrsta mark í Evrópudeildinni gegn Zurich í fyrstu umferð riðlakeppninnar.
Hann fór á lán til Norwich í janúar í fyrra þar sem hann lék 11 leiki í Championship deildinni og skoraði eitt mark.
Hann fór svo á lán til Nantes í frönsku deildinni en lék aðeins þrjá leiki áður en hann var kallaður til baka í janúar. Hann hefur nú snúið aftur til Brasilíu og mun vera hjá Fluminense í heilt ár.
