Kristinn Óli Haraldsson, betur þekktur sem Króli, ætlar að taka slaginn með ÍH í 4. deildinni í sumar.
Króli er einn vinsælasti tónlistarmaður landsins. Hann og samstarfsfélagi hans Jói Pé hafa gefið út lög á borð við B.O.B.A., Í átt að tunglinu og Þráhyggja. Lög sem hafa notið mikilla vinsælda hér á landi.
Það sem kannski færri vita er að Króli er einnig í fótbolta. Hann hefur leikið upp yngri flokkana með Haukum og mun reyna fyrir sér í meistaraflokksbolta í sumar.
„Vonandi fær maður eitthvað að sprikla," sagði Króli í samtali við Fótbolta.net núna áðan.
Athugasemdir