Ísak Snær lagði upp í dag.
Theódór Elmar Bjarnason.
England
Norwich U23 3 - 1 Sunderland U23
U23 ára lið Norwich sigraði í dag Sunderland í Premier League 2, U23 deildinni, á Englandi.
Ísak Snær Þorvaldsson var í byrjunarliði Norwich í leiknum og lék allan leikinn. Ísak lagði upp fyrsta mark leiksins á 20. mínútu fyrir Josh Martin. Ísak fékk þá að líta gult spjald á 28. mínútu.
Sunderland er á botninum í deildinni með einungis eitt stig. Norwich er í næstneðsta sæti með ellefu stig, tveimur stigum frá Newcastle sem er liðið fyrir ofan.
Norwich U23 3 - 1 Sunderland U23
U23 ára lið Norwich sigraði í dag Sunderland í Premier League 2, U23 deildinni, á Englandi.
Ísak Snær Þorvaldsson var í byrjunarliði Norwich í leiknum og lék allan leikinn. Ísak lagði upp fyrsta mark leiksins á 20. mínútu fyrir Josh Martin. Ísak fékk þá að líta gult spjald á 28. mínútu.
Sunderland er á botninum í deildinni með einungis eitt stig. Norwich er í næstneðsta sæti með ellefu stig, tveimur stigum frá Newcastle sem er liðið fyrir ofan.
Búlgaría
Lok. Plovdiv 0 - 0 Levski Sofia
Hólmar Örn Eyjólfsson var, líkt og venjulega, í byrjunarliði Levski í efstu deild í Búlgaríu. Liðið heimsótti í dag Plovdiv. Leiknum lauk með markalausu jafntefli liðanna sem er vatn á myllu Ludogorets í toppsæti deildarinnar. Levski og Lok. Plovdiv eru í 2.- og 3. sæti í deildinni.
Hólmar Örn lék allan leikinn í dag og fékk gult spjald á 63. mínútu.
Tyrkland
Balikesirspor 0 - 0 Akhisarspor
Theódór Elmar Bjarnason var, í sjötta leiknum í röð, í byrjunarliði Akhisarspor sem leikur í næstefstu deild í Tyrklandi. Liðið heimsótti Balikesirspor í dag og endaði leikurinn með markalausu jafntefli.
Elmar lék allan leikinn og fékk að líta gula spjaldið á 74. mínútu. Akhisarspor er í þriðja efsta sæti deildarinnar með 26 stig eftir fimmtán umferðir.
Athugasemdir
