Arteta lék með Arsenal á árunum 2011 til 2016, hans fyrrum félag er nú í stjóraleit og þessi 37 ára gamli Spánverji hefur verið orðaður við stjórastöðuna hjá félaginu.

Gabriel Jesus framherji Manchester City segir Arteta nú þegar vera frábæran stjóra.

„Hann hefur reynst okkur mjög vel. Allir hjá félaginu þekkja hann fyrir hans góða starf. Hann er frábær manneskja og frábær stjóri."

„Ég geri mér ekki grein fyrir því hvernig hann hefur hugsað sér næstu skref á sínum þjálfaraferli, en það er hans mál. Ég vona að honum eigi eftir að vegna vel sama hvað hann tekur sér fyrir hendur," sagði Jesus.