Michael Edwards komst að riftunarákvæðinu en sagan segir að Manchester United hafi ekki vitað af því. Hér að ofan er mynd af Ed Woodward sem sér um kaup á leikmönnum til United.
Allt bendir til þess að Takumi Minamino, framherji/kantmaður Red Bull Salzburg, gangi í raðir Liverpool í janúar.
Samkvæmt grein Independent hefur félagið skoðað Minamino í dágóðan tíma en það hefur Manchester United einnig gert. Af hverju er Minamino þá svona líklegur til að ganga í raðir Liverpool kunna einhverjir að spyrja sig.
Samkvæmt grein Independent hefur félagið skoðað Minamino í dágóðan tíma en það hefur Manchester United einnig gert. Af hverju er Minamino þá svona líklegur til að ganga í raðir Liverpool kunna einhverjir að spyrja sig.
Jú, það er vegna þess, samkvæmt heimildum Independent, að Liverpool komst að því að leikmaðurinn er með riftunarákvæði í samningi sínum. Hann er eða var, fer eftir því hvort að trúa eigi sögusögnum um að Liverpool hafi nú þegar krækt í leikmannin, falur fyrir rúmar sjö milljónir punda.
Michael Edwards, yfirmaður íþróttamála hjá Liverpool, komst að þessu ákvæði og það er ástæðan fyrir því að hann er á leið til félagsins. Manchester United vissi ekki af ákvæðinu.
Lesa má meira um málið hér, í grein Independent.
Þetta var einnig í umræðunni í útvarpsþætti Fótbolti.net og má heyra umræðuna í spilaranum hér að neðan.
Athugasemdir