sun 16. janúar 2022 10:18
Brynjar Ingi Erluson
Leeds vill ekki selja Phillips til Liverpool - Veski Newcastle á lofti
Powerade
Erling Braut Haaland kostar sitt
Erling Braut Haaland kostar sitt
Mynd: EPA
Leeds vill helst selja Kalvin Phillips úr landi
Leeds vill helst selja Kalvin Phillips úr landi
Mynd: EPA
Semur Salah við Liverpool?
Semur Salah við Liverpool?
Mynd: EPA
Newcastle ætlar að styrkja sig
Newcastle ætlar að styrkja sig
Mynd: Getty Images
Þá er komið að slúðurpakkanum á þessum fína sunnudegi en Newcastle United kemur mikið fyrir.

Real Madrid og Barcelona þurfa að punga fram 350 milljónum evra til að kaupa Erling Braut Haaland frá Borussia Dortmund en innifalið í því er kaupverðið, sex ára launapakki og greiðslur til Mino Raiola, umboðsmanns Haaland og föður norska framherjans. (Marca)

Everton og Rafael Benítez hafa komist að samkomulagi um að rifta samningnum og eru viðræður áfram í gangi um smáatriðin í því samkomulagi. Duncan Ferguson, sem er partur af þjálfarateymi Benítez, stýrir liðinu tímabundið. (90 Min)

Enska félagið Liverpool er á eftir Kalvin Phillips, miðjumanni Leeds United. Leeds vill heldur selja Phillips í annað félag utan Englands en Paris Saint-Germain, Bayern München og Real Madrid hafa öll áhuga. (El Nacional)

Chelsea þarf að hækka tilboð sitt í Frenkie de Jong, leikmann Barcelona, ef það ætlar að hreppa hann. Félagið lagið fram 33 milljónir punda tilboð í hann en Barcelona vill 50 milljónir punda. (El Nacional)

Ralf Rangnick, bráðabirgðastjóri Manchester United, er orðinn pirraður á eigendum félagsins sem virðast hikandi yfir því að leyfa Rangnick að kaupa leikmenn í janúar og þá er hann hræddur um að hann hafi lítil áhrif þegar hann tekur við sem ráðgjafi félagsins í sumar. (Mirror)

Mauricio Pochettino, þjálfari Paris Saint-Germain, hefur verið orðaður við Man Utd, en engar viðræður hafa átt sér stað. Eitt annað stórlið hefur áhuga á Pochettino. (Telegraph)

Danski landsliðsmaðurinn Christian Eriksen, sem fór í hjartastopp á Evrópumótinu á síðasta ári, hefur verið í sambandi við nokkur félög í ensku úrvalsdeildinni og vonast hann til að ganga frá samningum í næstu viku. (Times)

Mohamed Salah, leikmaður Liverpool, ætlar ekki að gefa sig í samningaviðræðum við Liverpool en hann vill fá 400 þúsund pund í viku laun. Núverandi samningur gildir út næsta tímabil. (Mirror)

Arsenal hefur hafið óformlegar viðræður við Diego Costa, fyrrum framherja Chelsea. Þessi 33 ára leikmaður mun að öllum líkindum yfirgefa brasilíska félagið Atletico Mineiro á næstu dögum. (Goal)

Newcastle United mun halda viðræðum áfram við Sevilla um kaup á brasilíska varnarmanninum Diego Carlos. (90 Min)

Þá hefur félagið lagt fram 40 milljón evra tilboð í franska varnarmanninn Benoit Badiashile, sem er á mála hjá Mónakó, en félagið hafnaði fyrsta tilboði. (GFF)

Newcastle ætlar þá að reyna við þýska landsliðsmanninn Robin Gosens, sem er á mála hjá Atalanta. (Sky Sport Italia)

West Ham gæti fengið samkeppni frá Newcastle um Jesse Lingard, leikmann Manchester United, sem verður samningslaus í sumar. (Star)

Barcelona hefur áhuga á Roberto Firmino, framherja Liverpool, en enska félagið vill 20 milljónir evra fyrir leikmanninn. (El Nacional)

Ivan Perisic, leikmaður Inter og króatíska landsliðsins, gæti verið á leið til Chelsea en Thomas Tuchel vill bæta við vængbakverði í hópinn þar sem Ben Chilwell er frá vegna meiðsla. (Mirror)

Atlético Madríd hefur engan áhuga á að selja Joao Felix frá félaginu í janúar eða í sumar. (Marca)

Aston Villa er að íhuga tilboð í Simon Moore, markvörð Coventry City. Steven Gerrard vill fá varamarkvörð fyrir Emiliano Martinez. (Football Insider)

Manchester United hefur sett 15 milljón punda verðmiða á enska varnarmanninn Phil Jones. Burnley og Newcastle hafa áhuga. (Star)

Kortney Hause, varnarmaður Aston Villa, hefur mikinn áhuga á að ganga til liðs við uppeldisfélag sitt, West Ham, ef hann ákveður að yfirgefa Villa í janúar. (Football Insider)

West Ham er að fylgjast með Ludovic Ajorque, framherja Strasbourg, en hann er með tíu mörk í frönsku deildinni á þessu tímabili. (Foot Mercato)

Napoli er í viðræðum við Ajax um argentínska vinstri bakvörðinn Nicolas Tagliafico. (Sky Sport Italia)

Wolves er að ganga frá kaupum á portúgalska vængmanninum Chiquinho frá Estoril. Kaupverðið er 3 milljónir punda. (Athletic)
Athugasemdir
banner
banner