Rekinn í annað sinn á einum mánuði (Staðfest)
Davide Nicola
Mynd: Getty Images
Davide Nicola
Mynd: Getty Images
Ítalski þjálfarinn Davide Nicola tókst að afreka það að vera rekinn frá Salernitana tvisvar á 31 degi en ítalska félagið staðfesti brottför hans í gær og er Paulo Sousa nýr þjálfari liðsins.
Nicola var ráðinn til Salernitana í febrúar á síðasta ári og tókst honum þar að bjarga liðinu frá falli á ævintýralegan hátt.
Gengi liðsins hefur ekki verið upp á marga fiska undanfarið og var Nicola rekinn eftir 8-2 tapið gegn Atalanta fyrir mánuði síðan.
Tveimur dögum síðar sáu stjórnarmenn að sér og ákváðu að ráða hann aftur til félagsins.
Frammistaða liðsins batnaði ekki og var tilkynnt í gær að Nicola væri nú farinn frá félaginu. Því var hann rekinn frá félaginu tvisvar á einum mánuði en portúgalski þjálfarinn Paulo Sousa var tilkynntur sem nýr þjálfari liðsins í kjölfarið.
Sousa þjálfaði síðast Flamengo í Brasilíu en hann hefur einnig þjálfað lið á borð við Fiorentina, Bordeaux, Leicester, Swansea, QPR ásamt því að stýra pólska landsliðinu.
Gengi liðsins hefur ekki verið upp á marga fiska undanfarið og var Nicola rekinn eftir 8-2 tapið gegn Atalanta fyrir mánuði síðan.
Tveimur dögum síðar sáu stjórnarmenn að sér og ákváðu að ráða hann aftur til félagsins.
Frammistaða liðsins batnaði ekki og var tilkynnt í gær að Nicola væri nú farinn frá félaginu. Því var hann rekinn frá félaginu tvisvar á einum mánuði en portúgalski þjálfarinn Paulo Sousa var tilkynntur sem nýr þjálfari liðsins í kjölfarið.
Sousa þjálfaði síðast Flamengo í Brasilíu en hann hefur einnig þjálfað lið á borð við Fiorentina, Bordeaux, Leicester, Swansea, QPR ásamt því að stýra pólska landsliðinu.
