Chris Coleman hefur verið rekinn frá sem knattspyrnustjóri kínverska félagsins Hebei China Fortune.
Gengi Hebei China Fortune hefur verið slakt undanfarnar vikur og er liðið í næst neðsta sæti kínversku ofurdeildarinnar. Því var tekin ákvörðun um að reka Coleman.
Coleman tók við liðinu í fyrra af Manuel Pellegrini, sem tók þá við West Ham.
Coleman er 48 ára gamall og frá Wales. Hann er fyrrum landsliðsþjálfari Wales en hann hefur einnig stýrt félagsliðum á borð við Fulham, Real Sociedad og Sunderland.
Hann er í stóru hlutverki í þáttunum Sunderland 'Til I Die sem má finna á Netflix.
Athugasemdir