3. deild: Stórsigur hjá KH - Ýmir vann Árbæ

Sigfús Kjalar Árnason kom KH í forystu eftir rúman stundarfjórðung og Hafþór Bjarki Guðmundsson tvöfaldaði forystuna á 33. mínútu.

Sjálfsmark Jóns Tryggva Arasonar kom KH í 3-0 áður en Viktor Þór Lárusson bætti við fjórða markinu tveimur mínútum síðar.

Tristan Alex Tryggvason minnkaði muninn fyrir KV á 60. mínútu áður en Kristófer André Kjeld Cardoso rak smiðshöggið á góðan sigur KH.

KH er í 4. sæti með 15 stig, fjórum stigum frá toppnum, á meðan KV er í 8. sæti með 9 stig og hefur nú tapað þremur leikjum í röð.

Ýmir vann á meðan 3-2 sigur á Árbæ. Steinn Logi Gunnarsson og Breki Ottósson komu Ými í 2-0 á fyrsta hálftímanum en Eyþór Ólafsson minnkaði muninn áður en flautað var til hálfleiks.

Björn Ingi Sigurðsson skoraði mikilvægt mark fyrir Ými þegar tæpur stundarfjórðungur var eftir. Tveimur mínútum síðar fékk Agon Aron Morina sitt annað gula spjald og þar með rautt í liði Árbæinga.

Nokkrum mínútum síðar gerði Stefán Bogi Guðjónsson lokakaflann spennandi þegar hann minnkaði muninn í 3-2 með marki úr vítaspyrnu.

Lengra komust tíu leikmenn Árbæinga ekki og lokatölur urðu 3-2. Ýmir er í 6. sæti með 11 stig og hefur unnið tvo leiki í röð, á meðan Árbær er í neðsta sæti með 4 stig og hefur tapað fjórum leikjum í röð.

KV 1 - 5 KH
0-1 Sigfús Kjalar Árnason ('16 )
0-2 Hafþór Bjarki Guðmundsson ('33 )
0-3 Jón Tryggvi Arason ('49 , sjálfsmark)
0-4 Viktor Þór Lárusson ('51 )
1-4 Tristan Alex Tryggvason ('60 )
1-5 Kristófer André Kjeld Cardoso ('83 )

Ýmir 3 - 2 Árbær
1-0 Steinn Logi Gunnarsson ('12 )
2-0 Breki Ottósson ('31 )
2-1 Eyþór Ólafsson ('45 )
3-1 Björn Ingi Sigurðsson ('77 )
3-2 Stefán Bogi Guðjónsson ('87, víti )
Rautt spjald: Agon Aron Morina ('79, Árbær)