England í dag - Leicester, Villa og Man Utd í eldlínunni

Þrír gífurlega mikilvægir leikir fara fram í ensku úrvalsdeildinni í kvöld. Leicester mætir Sheffield United í leik sem getur haft úrslitaáhrif á lokaniðurstöðu Leicester í deildinni. Liðið er í harðri baráttu við Chelsea og Man Utd um Meistaradeildarsæti.

Everton mætir Aston Villa í leik sem Villa þarf að vinna til að auka von sína um sæti í úrvalsdeildinni á komandi ári. Southampton mætir svo Brighton þar sem Brighton getur tryggt veru sína í deildinni.

Crystal Palace tekur á móti Manchester United klukkan 19:15 í leik sem United þarf að vinna upp á Meistaradeildarsætið. United hafði farið illa með mótherja sína í undanförnum leikjum þar til Southampton krækti í jafntefli gegn þeim rauðu á mánudaginn síðastliðinn.