Vigfús: Nú eru okkur allir vegir færir

"Við vorum þungir í upphafi seinni hálfleiks en þeir strákar sem komu inn á sem varamenn áttu frábærar innkomur og gerðu okkur kleift að vinna leikinn."

Leiknir fór illa af stað í deildinni og starf þjálfarans sagt í mikilli hættu. Nú hefur liðið hinsvegar unnið þrjá leiki af seinustu fjórum og komið í sjötta sætið. "Þetta er það skemmtilega við boltann að þegar maður nær að tengja saman sigra er þetta fljótt að breytast. Andrúmsloftið léttist líka inn á æfingunum og allt verður auðveldara. Nú eru okkur allir vegir færir."

Þá reiknar hann með breytingum á hópnum þegar félagaskiptaglugginn opnar á þriðjudag. "Já það getur vel verið. Það verður ekki mikið en örugglega einhverjar hreyfingar."

Allt viðtalið við Vigfús má sjá í spilaranum hér að ofan.