Liverpool í níunda sæti en Sóli Hólm bjartsýnn - „Að spila leiðinlegan fótbolta er dauðasynd“

Liverpool hefur farið nokkuð brösuglega af stað í ensku úrvalsdeildinni á þessu tímabili en eftir sex umferðir situr liðið í 9. sæti með aðeins níu stig af átján mögulegum. Það eru töluverðar breytingar hjá félaginu eftir að Andoni Iraola tók við stjórnartaumunum í sumar og nýir leikmenn gengu til liðs við félagið, á meðan aðrir kvöddu. Liverpool hefur unnið tvo leiki, gert þrjú jafntefli og tapað einum en ljóst er að það þarf að gera betur ætli liðið sér að blanda sér í baráttuna um efstu sæti deildarinnar.

Liverpool varð Englandsmeistari vorið 2025 en síðasta tímabil var mikil vonbrigði þar sem liðið endaði í 5. sæti og Arne Slot var látinn fara. Það var því ljóst að ákveðin kaflaskipti væru fram undan hjá félaginu en stuðningsmenn voru mis bjartsýnir fyrir tímabilið. Fótbolti.net ræddi við Sólmund Hólm, skemmtikraft og mikinn stuðningsmann Liverpool, um sumargluggann, fyrstu leiki tímabilsins og hvað framtíðin gæti borið í skauti sér.