Æfingaleikur: Keflavík skoraði fjögur gegn FH

Keflavík tók á móti FH í æfingaleik í Reykjaneshöllinni í gær og vann fínan sigur.

Tvíburasysturnar Anita Lind og Eva Lind Daníelsdætur skoruðu þrjú marka Keflavíkur og gerði hin unga og efnilega Amelía Rún Fjeldsted eitt.

Amelía Rún er fædd 2004 og hefur nú þegar skorað 8 mörk í 39 keppnisleikjum með meistaraflokki.

Keflavík komst upp úr Lengjudeildinni í fyrra á meðan FH féll úr Pepsi Max-deildinni. Liðin víxla um deild á nýju ári.