Spænska goðsögnin Fernando Torres er að klifra upp stigann í þjálfarateymi Atletico Madrid.
Hinn 36 ára gamli Torres er búinn að leggja skóna á hilluna og hefur ákveðið að snúa sér að þjálfun. Hann var ráðinn í akademíu Atletico Madrid í september og greina spænskir fjölmiðlar frá því að hann sé strax kominn upp í þjálfarateymi varaliðsins, Atletico Madrid B.
Torres starfar hjá Atletico meðan hann klárar þjálfaragráðurnar sínar og verður áhugavert að fylgjast með þróun hans.
Fyrsti leikur Torres í þjálfarateymi varaliðsins verður í dag gegn Poblense. Torres ólst upp hjá Atletico og skoraði meira en 100 mörk á tíma sínum hjá félaginu.
Athugasemdir