Heimild: Fréttablaðið
Fréttablaðið greindi frá því í gærkvöldi að Rúrik Gíslason, fyrrum atvinnumaður og landsliðsmaður í fótbolta, væri meðal þátttakenda í þýska sjónvarpsþættinum Let's Dance.
Fyrsti þátturinn verður sýndur á sjónvarpsstöðinni RTL 26. febrúar og er í sama dúr og Allir geta dansað sem er gerður hér á landi.
Rúrik er 32 ára gamall og á 53 landsleiki að baki fyrir Ísland. Hann lagði takkaskóna á hilluna fyrir áramót eftir að hafa verið hjá Sandhausen í þýsku B-deildinni í nokkur ár.
Rúrik var í landsliðshópi Íslands sem keppti á HM í Rússlandi 2018 og fékk hann gríðarlega athygli útá útlit sitt. Eftir það fór hann að vinna í gegnum samfélagsmiðla, í auglýsingum og annað og hætti að lokum í fótbolta.
Rúrik verður umvafinn stjörnum og er Auma Obama þar á meðal, en hún er hálfsystir Barack Obama fyrrum Bandaríkjaforseta.
Athugasemdir