Palmer, sem er 22 ára gamall, hefur átt stórkostlegt tímabil undir stjórn Mauricio Pochettino.

Hann hefur skorað 22 mörk og gefið 10 stoðsendingar, en hann hefur nú verið valinn besti ungi leikmaður tímabilsins í ensku úrvalsdeildinni.

Englendingurinn er vel að þessu kominn en án hans væri Chelsea ekki nálægt Evrópusæti.

Palmer kom til Chelsea frá Manchester City í byrjun tímabilsins, en Pep Guardiola, stjóri Man City, gat ekki fundið pláss fyrir hann í byrjunarliði sínu og leyfði honum því að fara til Chelsea.