Spænskir fjölmiðlar segja að allt stefni í að Xavi verði rekinn úr stjórastól Barcelona eftir allt saman.

Fyrr á tímabilinu var ákveðið að stjóraskipti yrðu hjá Börsungum en í síðasta mánuði var sagt frá því að Xavi hefði farið á fund með forseta félagsins, Joan Laporta, og niðurstaðan var sú að hann yrði áfram.

Nú er allt komið í hring því sagt er að Laporta ætli sér að láta Xavi fara eftir allt saman og sett íþróttastjórann Deco í það verkefni að stýra leitinni að nýjum stjóra.