Rússland: Jón Guðni fékk 90 mínútur er Krasnodar fór á toppinn

Jón Guðni Fjóluson fékk að spila allan leikinn er Krasnodar lagði Tambov að velli í efstu deild rússneska boltans.

Krasnodar jafnaði þar með Zenit á stigum í toppsæti deildarinnar en Rússlandsmeistararnir eiga leik til góða.

Jón Guðni lék í hjarta varnarinnar og var þetta hans fyrsti byrjunarliðsleikur á tímabilinu.

Hann hefur verið á mála hjá Krasnodar í eitt ár en hefur ekki fengið mörg tækifæri með liðinu. Jón Guðni er þrítugur og hefur áður spilað fyrir Norrköping og Sundsvall í sænska boltanum.

Það getur tekið tíma fyrir stöðutöfluna að uppfæra sig.