Liverpool hefur áhuga á Neto - Man Utd fylgist með Inacio - Inter Miami vill fá Modric
   sun 17. september 2023 21:03
Brynjar Ingi Erluson
Spánn: Fimm í röð hjá Real Madrid
Joselu fagnar sigurmarkinu í kvöld
Joselu fagnar sigurmarkinu í kvöld
Mynd: Getty Images
Real Madrid vann fimmta leik sinn í La Liga á Spáni í kvöld er liðið kom til baka gegn Real Sociedad og hafði 2-1 sigur.

Ekki byrjaði það vel fyrir Madrídinga því Ander Barrenetxea skoraði fyrir gestina eftir fimm mínútur.

Sociedad spilaði frá aftasta manni, lék boltanum yfir á hægri vænginn áður en boltinn kom inn í teiginn til Barrenetxea, sem átti skot, en Kepa varði áður en Barrenetxea fékk boltann aftur og kom honum yfir línuna.

Federico Valdverde jafnaði fyrir heimamenn í upphafi síðari hálfleiks. Boltinn kom út fyrir teiginn þar sem Valverde mætti á ferðinni og hamraði honum í stöng og inn.

Tæpu korteri síðar gerði hinn stóri og stæðilegi framherji, Joselu, sigurmarkið með skalla eftir fyrirgjöf frá Fran Garcia á vinstri vængnum.

FImm sigrar af fimm mögulegum hjá Real Madrid sem er á toppnum í La Liga.

Alexander Sorloth skoraði sigurmark Villarreal í 2-1 sigrinum á Almería en mark hans kom undir lok leiks og þá gerði Dodi Lukebakio eina markið í 1-0 sigri Sevilla á Las Palmas.

Real Madrid 2 - 1 Real Sociedad
0-1 Ander Barrenetxea ('5 )
1-1 Federico Valverde ('46 )
2-1 Joselu ('60 )

Villarreal 2 - 1 Almeria
0-1 Sergio Akieme ('44 )
1-1 Gerard Moreno ('45 )
2-1 Alexander Sorloth ('90 )

Sevilla 1 - 0 Las Palmas
1-0 Dodi Lukebakio ('71 )
Athugasemdir
banner
banner
banner
banner