Edda Garðarsdóttir, fyrrverandi leikmaður íslenska landsliðsins, verður aðstoðarþjálfari Þróttar R. á komandi keppnistímabili.
Edda, sem lék 103 landsleiki fyrir Ísland, hefur verið í fríi frá þjálfun síðustu tvö árin en hún þjálfaði KR tímabilið 2016 og 2017.
Hún verður nú Nik Anthony Chamberlain til aðstoðar hjá Þrótturum en liðið mun leika í Pepsi Max-deildinni á næsta tímabili eftir að liðið vann Inkasso-deildina.
Edda átti glæstan knattspyrnuferil en hún er uppalin í KR. Hún lék einnig með Breiðabliki, Val, Chelsea, Vorup og Örebro.
Athugasemdir