Spánn: Casemiro hetjan gegn Sevilla

Brasilíski miðjumaðurinn Casemiro kom heimamönnum þó yfir í síðari hálfleik eftir frábæra hælsendingu frá Luka Jovic sem fór innfyrir vörnina.

Luuk de Jong jafnaði fyrir Sevilla en Casemiro var aftur á ferðinni skömmu síðar og skoraði það sem reyndist sigurmark leiksins.

Í þetta sinn skoraði miðjumaðurinn öflugi með skalla eftir góða fyrirgjöf frá Lucas Vazquez.

Gareth Bale var ekki í leikmannahópi Real en hann missti af úrslitakeppni Ofurbikarsins vegna „sýkingar í öndunarfærum".

Real er áfram á toppi deildarinnar, með þriggja stiga forystu á Barcelona sem á leik til góða. Sevilla er í fjórða sæti, átta stigum eftir Real.

Real Madrid 2 - 1 Sevilla
1-0 Casemiro ('57)
1-1 Luuk de Jong ('64)
2-1 Casemiro ('69)

Alaves hafði þá betur gegn Levante í fyrri leik dagsins á Spáni.

Aleix Vidal, sem er á láni frá Sevilla, gerði eina mark leiksins á 64. mínútu.

Sigurinn var mikilvægur fyrir Alaves sem er með 23 stig eftir 20 umferðir. Levante er þremur stigum og sætum fyrir ofan.

Levante 0 - 1 Alaves
0-1 Aleix Vidal ('64)