Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
   þri 18. febrúar 2020 08:00
Aksentije Milisic
„Lautaro vill einungis spila fyrir Inter"
Mynd: Getty Images
Stjórnarformaður Inter, Beppe Marotta, segir að það sé ekkert til í þeim sögusögnum að framherji liðsins, Lautaro Martinez, sé að leiðinni til Barcelona.

Mikið hefur verið fjallað um áhuga Barcelona á þessum 22 ára gamla leikmanni sem hefur spilað frábærlega í vetur. Hann er aðal skotmark Börsunga næsta sumar en Marotta segir að hann fari ekki fet.

„Lautaro er ungur leikmaður sem er stöðugt að bæta sig. Hann hefur einungis áhuga á því að klæðast glæsilegri treyju Inter," sagði Marotta.

„Það er engin ástæða fyrir Inter að vera öfundsjúkt út í önnur lið. Leikmenn fá einungis að yfirgefa Inter ef þeir biðja um sölu."

Martinez kom til Inter árið 2018 frá Racing Club og hefur hann unnið sér inn sæti í landsliðinu með frammistöðu sinni.
Athugasemdir
banner
banner
banner
banner