„Við erum í 'middle of nowhere' en völlurinn er fínn og hótelið fínt svo við erum bara í góðum gír," sagði hinn ungi Arnór Sigurðsson við Fótbolta.net eftir æfingu Íslands í Peralada í dag.
Ísland er að búa sig undir leik gegn Andorra á föstudag og svo verður leikið gegn heimsmeisturum Frakklands á mánudag. Um er að ræða fyrstu tvo leikina í undankeppni EM.
Ísland er að búa sig undir leik gegn Andorra á föstudag og svo verður leikið gegn heimsmeisturum Frakklands á mánudag. Um er að ræða fyrstu tvo leikina í undankeppni EM.
„Við vitum að Andorra liggur mikið til baka og spilar vörn, það er barátta í þeim og við þurfum að vera klárir í erfitt verkefni. Fókusinn er núna algjörlega á Andorraleikinn og við klárum hann áður en við hugsum um Frakkaleikinn."
„Ég ætla bara að taka mínu hlutverki 100% sama hvað það verður," sagði Arnór spurður um væntingar sínar um spiltíma.
Arnór spilar með CSKA Moskvu en tímabilið í Rússlandi er nýfarið af stað. Hann var smávægilega meiddur um daginn en segir að allt sé komið í lag.
„Ég lenti í smá veseni með ökklann er orðinn 100% klár."
Viðtalið má sjá í heild í sjónvarpinu hér að ofan en þar talar Skagamaðurinn líka um titilbaráttuna í Rússlandi og gott gengi ÍA!
Athugasemdir