Onana til Villa - Klopp hefur ekki áhuga á enska landsliðsþjálfarastarfinu - Atletico vill Alvarez
   þri 18. júní 2024 17:30
Jóhann Þór Hólmgrímsson
Sverrir Mar spáir í Fótbolti.net bikarinn
Sverrir Mar Smárason (t.v.)
Sverrir Mar Smárason (t.v.)
Mynd: Fótbolti.net - Hafliði Breiðfjörð
Ingólfur Sigurðsson verður hetja KH
Ingólfur Sigurðsson verður hetja KH
Mynd: Fótbolti.net - Jónína Guðjörg Guðbjartsdóttir
Kóngurinn í neðri deildunum
Kóngurinn í neðri deildunum
Mynd: Fótbolti.net - Hulda Margrét
Lærisveinar Mikaels komast örugglega áfram
Lærisveinar Mikaels komast örugglega áfram
Mynd: Fótbolti.net - Hafliði Breiðfjörð

Fótbolti.net bikarinn fór af stað í gær þar sem KFA vann ÍH 6-3 í Fjarðabyggðarhöllinni. 32-liða úrslitunum lýkur á miðvikudagskvöldið og dregið verður í 16-liða úrslit á föstudag. Víkingur Ólafsvík situr hjá í þessari umferð eftir að Kormákur/Hvöt dró sig úr keppni.

Sverrir Mar Smárason er sérfræðingur í ástríðu og spáir í leikina.


KFA 4-1 ÍH (fór fram í gær og endaði 6-3)
Mín gömlu lið að mætast. Mike of stór biti fyrir ÍH en annar tvíburinn potar inn sárabótamatli fyrir ÍH. Rósir eru rauðar.

KV 3-5 Vængir (í kvöld 19:15)
Ég sé þetta svona. Tvö ung lið, fullt af mörkum og það er bras hjá KV.

Höttur/Huginn 2-2 Kári - Kári vinnur í vító (á morgun 17)
Þetta fer í framlengingu. Það er eitthvað að eldast í Akraneshöllinni og mínir menn fara áfram í vító. Þór Llorens skorar áfram og DJ Marinó jafnar í lokin. Björgvin Stefán skiptir sér inná fyrir vító og klúðrar.

KH 1-1 Sindri - 2-1 eftir framlengingu (á morgun 18)
Hörkuleikur. Ingó sig leiðir sitt lið áfram með einu marki úr víti og öðru úr aukaspyrnu.

Tindastóll 2-1 Reynir (á morgun 18)
Vonbrigði Reynis heldur áfram í sumar. Virðast ekki hafa náð að styrkja gott lið frá því í fyrra. Frændur mínir í skagafirði fagna góðum sigri.

RB 0-3 KF (á morgun 18)
KF er í smá brekku en þetta kveikir aðeins í þeim. Þurfa sem betur fer ekki að spila á sínum ömurlega heimavelli.

Hvíti 1-3 Völsungur (á morgun 19)
Góð ferð suður hjá Völlurum. Hvíti ekki betri en þetta og koma ekki á óvart. Jakob Héðinn skorar, shocker.

Árborg 0-3 Augnablik (á morgun 19:15)
Það er alltaf smá spútnik vibe yfir árborg en nú mæta þeir ofjörlum enda alvöru run á Augna. Ég sé Kópavogsbúa fara alla leið í undanúrslit í þessari keppni og fljúga upp úr þriðju deild loksins. 

KFG 2-0 Þróttur V. (á morgun 19:15)
Þetta er fullkomin keppni fyrir KFG, þeir elska svona stemningu. Jonni og Kári sitthvort markið. Ef þeir spila.

Árbær 2-3 Elliði (á morgun 19:15)
Þetta er mest spennandi leikur umferðarinnar og líklega flestir áhorfendur. Við höldum áfram að sjá agaleysi í liði Árbæjar og hausinn fer í seinni. Pétur Óskars er kóngurinn í neðri deildum og gerir þrennu.

Víðir 2-1 Haukar (á morgun 19:15)
Víðismenn þekkja þessa keppni, ríkjandi meistarar. Haukarnir þekkja vonbrigði og þetta verður þannig dagur hjá þeim.

Magni 2-0 Hamar (á morgun 19:15)
Heimasigur, magnamenn erfiðir heima fyrir og hamar tekur móralskan á leiðinni heim.

KFK 3-1 Skallagrímur (á morgun 19:15)
Kfk of stór biti fyrir Borgnesinga. Verður 1-1 lengi vel en eftir góðan trylling hjá Kidda Páls á bekknum skorar Stefán Ómar tvö í lokin.

Ægir 1-2 Selfoss (á morgun 19:15)
Nágrannaslagur af bestu gerð. Bjarna Jó burgundy army fer áfram á kænskunni.

Ýmir 3-0 KÁ (á morgun 19:15)
Ýmir tapar varla leik og það gera þeir ekki í þessu leik heldur.


Athugasemdir
banner
banner