Erlendur Eiríksson.
8-liða úrslit Mjólkurbikarsins klárast með leikjum í kvöld og annað kvöld, þá ræðst hvaða lið fylgja KA og FH í undanúrslitin. Dregið verður í undanúrslitin í beinni á RÚV í hálfleik á leik HK og Breiðabliks annað kvöld.
Lögregluvarðstjórinn Pétur Guðmundsson dæmir leik Víkings og KR í kvöld. Aðstoðardómarar verða Gylfi Már Sigurðsson og Egill Guðvarður Guðlaugsson. Einar Ingi Jóhannsson er fjórði dómari.
Málarameistarinn Erlendur Eiríksson dæmir Kópavogsslag HK og Breiðabliks í Kórnum. Andri Vigfússon og Patrik Freyr Guðmundsson verða aðstoðardómarar og Egill Arnar Sigurþórsson fjórði dómari.
Síðast þegar Erlendur dæmdi í Kórnum fékk hann öryggisfylgd úr húsi vegna ógnandi hegðunar þjálfara Gróttu.
fimmtudagur 18. ágúst
20:00 Víkingur R.-KR (Víkingsvöllur)
föstudagur 19. ágúst
20:00 HK-Breiðablik (Kórinn)
Athugasemdir
