Mynd: Getty Images

Það var gríðarleg spenna í aðdraganda leiksins þar sem City og Arsenal börðust um titilinn og aðeins tvö stig skildu liðin að.

Þetta leit hins vegar mjög vel út fyrir City snemma leiks þar sem Phil Foden, sem var valinn leikmaður ársins, kom liðinu yfir. Hann bætti síðan við öðru marki. Þá bættist grátt ofan á svart fyrir Arsenal þar sem Idrissa Gana Gueye kom Everton yfir með marki beint úr aukaspyrnu á Emirates.

Mohammed Kudus minnkaði muninn fyrir West Ham með stórkostlegu marki í þann mund sem Takehiro Tomiyasu skoraði og jafnaði metin fyrir Arsenal.

Það var síðan Rodri sem skoraði þriðja mark Manchester City þegar hann átti skot rétt fyrir utan vítateiginn og innsiglaði sigur liðsins en West Ham sýndi litla mótspyrnu í síðari hálfleik. Þetta mark gulltryggði liðinu Englandsmeistaratitilinn.

Kai Havertz kom Arsenal yfir undir lokin en það dugði ekki til.

Arsenal 2 - 1 Everton
0-1 Idrissa Gueye ('40 )
1-1 Takehiro Tomiyasu ('43 )
2-1 Kai Havertz ('89 )

Manchester City 3 - 1 West Ham
1-0 Phil Foden ('2 )
2-0 Phil Foden ('18 )
2-1 Mohammed Kudus ('42 )
3-1 Rodri ('59 )