Þróttur Vogum fær Jóhannes frá Víkingi R. (Staðfest)

Jóhannes Karl er hægri bakvörður og kantur og er uppalinn hjá Víkingi. Hann er aðeins 20 ára gamall og er fenginn til að hjálpa Vogamönnum í toppbaráttu 2. deildar.

Þróttur er þar í fimmta sæti með 19 stig úr 12 umferðum, þremur stigum eftir öðru sætinu.

„Jói á ættir að rekja til heimavallar hamingjunnar í Fossvogi og Þórshafnar á Langanesi. Það er góð blanda fyrir Voga," segir meðal annars í tilkynningu frá Þrótti.