Calvin Stengs og Alireza Jahanbakhsh skoruðu mörk Feyenoord gegn níu leikmönnum Celtic.

Feyenoord er nú ósigrað á heimavelli í Evrópu í síðustu fimmtán leikjum, en liðið hefur unnið þrettán og gert tvö jafntefli.

Þetta er besti árangur liðsins í 40 ár, en síðast tókst þetta þegar Pétur Pétursson, þjálfari kvennaliðs Vals, var á mála hjá Feyenoord.

Pétur lék með liðinu frá 1978 til 1981 og síðan aftur tímabilið 1984-1985.

Feyenoord tókst að jafna það afrek en það er hins vegar ekki besti árangurinn í sögunni því frá 1962 til 1974 fór liðið í gegnum 25 leiki í Evrópu án þess að tapa.