McClaren var aðstoðarstjóri Manchester United.
Steve McClaren hefur sagt upp sem landsliðsþjálfari Jamaíku þar sem honum mistókst það verkefni að tryggja liðinu sæti á HM. McClaren tók við starfinu af Heimi Hallgrímssyni á síðasta ári.
Jamaíka hefði þurft að vinna Curacao en viðureign liðanna endaði 0-0 og Curacao tryggði sér á HM. Jamaíka endaði í öðru sæti, eftir að hafa verið sigurstranglegasta liðið, en á enn möguleika á HM sæti í gegnum umspil í mars.
Jamaíka hefði þurft að vinna Curacao en viðureign liðanna endaði 0-0 og Curacao tryggði sér á HM. Jamaíka endaði í öðru sæti, eftir að hafa verið sigurstranglegasta liðið, en á enn möguleika á HM sæti í gegnum umspil í mars.
Fyrir átján árum hætti McClaren sem landsliðsþjálfari Englands eftir að hafa mistekist að koma liðinu á EM 2008.
„Undanfarna 18 mánuði hef ég gefið allt sem ég á í þetta starf að vera landsliðsþjálfari Jamaíku. Ég hef stýrt liðinu með miklu stolti en fótbolti er úrslitabransi og við náðum ekki markmiði okkar," segir McClaren.
„Stundum er það besta sem leiðtogi getur gert að gera sér grein fyrir því þegar hópur þarf að fá inn nýja rödd, nýja orku og öðruvísi hugmyndir til að komast lengra."
Athugasemdir
