fös 20. janúar 2023 00:42
Brynjar Ingi Erluson
Ítalski bikarinn: Lookman í banastuði - Juventus áfram
Ademola Lookman skoraði tvö fyrir Atalanta
Ademola Lookman skoraði tvö fyrir Atalanta
Mynd: EPA
Atalanta, Juventus og Lazio eru öll komin í 8-liða úrslit ítalska bikarsins.

Atalanta vann Spezia 5-2. Enski vængmaðurinn Ademola Lookman heldur áfram að tæta ítalska boltann í sig en hann skoraði tvö mörk fyrir Bergamó-liðið. Hann er nú með ellefu mörk og þrjár stoðsendingar í átján leikjum.

Mikael Egill Ellertsson var ekki í leikmannahópnum hjá Spezia en hann er á förum frá félaginu.

Lazio lagði Bologna að velli, 1-0. Felipe Anderson gerði sigurmarkið á 33. mínútu.

Juventus vann þá nýliða Monza, 2-1. Moise Kean kom Juventus yfir áður en Mattia Valoti jafnaði rúmum fimmtán mínútum síðar. Það var svo Federico Chiesa sem skoraði sigurmarkið þegar tólf mínútur voru eftir af leiknum.

Úrslit og markaskorarar:

Atalanta 5 - 2 Spezia
1-0 Ademola Lookman ('10 )
2-0 Ademola Lookman ('12 )
2-1 Albin Ekdal ('14 )
3-1 Hans Hateboer ('26 )
3-2 Daniele Verde ('38 )
4-2 Rasmus Hojlund ('72 )
5-2 Ethan Ampadu ('90, sjálfsmark )

Lazio 1 - 0 Bologna
1-0 Felipe Anderson ('33 )

Juventus 2 - 1 Monza
1-0 Moise Kean ('8 )
1-1 Mattia Valoti ('24 )
2-1 Federico Chiesa ('78 )
Athugasemdir
banner
banner
banner