Carragher hafði gagnrýnt Richarlison og sagði það löst á leik hans hversu oft hann dytti í grasið.

„Þetta hefur ekkert með hlutdrægni að gera þegar ég tala um Richarlison. Hann dettur í grasið 3-4 sinnum í leik eins og hann sé stórmeiddur og svo rífur hann sig á lappir. Þetta snýst ekki um að fá aukaspyrnu eða vítaspyrnu heldur er hann bara að gera sér upp meiðsli þegar hann er augljóslega ekki meiddur," sagði Carragher sem er fyrrum leikmaður Liverpool.

Gary Neville sem vinnur náið með Carragher hjá Sky Sports svaraði færslu Richarlison og skrifaði: „Ég veit hvernig þér líður félagi."

Carragher svaraði Richarlison líka og kom svar hans eilítið á óvart. „Ég er reyndar nokkuð hrifinn af þessu, ef Twitter hefði verið þegar ég var leikmaður þá hefði ég skotið á sérfræðinga nokkuð oft!!" skrifaði Carragher.