Al-Nassr krækti í Seko Fofana (Staðfest)
Mynd: EPA
Mynd: EPA
Al-Nassr er búið að tilkynna kaup á miðjumanninum Seko Fofana sem kemur frá Lens fyrir um 30 milljónir evra.
Fofana er 28 ára gamall og var mikilvægur hlekkur í liði Lens sem náði óvænt öðru sæti frönsku deildarinnar á síðustu leiktíð, þar sem liðið endaði aðeins einu stigi á eftir Frakklandsmeisturum PSG.
Fofana er landsliðsmaður Fílabeinsstrandarinnar eftir að hafa spilað 33 leiki fyrir unglingalandslið Frakklands. Hann hefur leikið fyrir Udinese, Fulham og Bastia á ferlinum eftir að hafa verið í akademíu Manchester City í þrjú ár.
Cristiano Ronaldo er fyrirliði Al-Nassr og eru David Ospina og Marcelo Brozovic einnig samningsbundnir félaginu. Þá hittir Fofana góðvin sinn úr landsliði Fílabeinsstrandarinnar, vinstri bakvörðinn Ghislain Konan.
