Valgeir Árni í Leikni (Staðfest)

Valgeir er alinn upp hjá Aftureldingu og var byrjunarliðsmaður í Lengjudeildinni 2020 og 2021 áður en hann flutti til Noregs til að spila með Hönefoss.

Valgeir er fenginn til að fylla í skarðið sem Hjalti Sigurðsson skilur eftir sig í leikmannahópi Leiknis. Hjalti er á leið í háskólanám í Bandaríkjunum.

„Valgeir skrifar undir til 2024 og við bjóðum kappann kærlega velkominn í Breiðholtið," segir meðal annars í tilkynningu Leiknis.

Leiknir er um miðja Lengjudeild með 14 stig eftir 12 umferðir, sex stigum fyrir ofan Njarðvík sem vermir fallsæti. Leiknir tekur á móti Þrótti í kvöld klukkan 19:15 á Domusnova.