Sky Sports segir að Tottenham hafi byrjað að skoða möguleikann á að fá Jose Mourinho í stjórastólinn fyrir meira en þremur vikum.

Umboðsmaðurinn Pini Zahavi er á bakvið samninginn en hann hefur fundað reglulega með Tottenham undanfarnar vikur og sannfært félagið um að Mourinho sé rétti maðurinn til að taka við af Mauricio Pochettino. Hinn 76 ára gamli Zahavi sannfærði Chelsea einnig um að ráða Mourinho árið 2004.

Mourinho var í morgun ráðinn stjóri Tottenham en Zahavi byrjaði að funda með Daniel Levy, formanni Tottenham, í kjölfarið á 1-1 jafntefli gegn Watford fyrir meira en þremur vikum.

Undanfarna daga hefur Mourinho síðan sjálfur fundað með Levy í London. Mourinho ræddi um leikstílinn sem hann ætlar að spila, hópinn hjá Tottenham og möguleika á að fá pening til leikmannakaupa.

Samkvæmt heimildum Sky Sports telur Mourinho að hópurinn sé sterkur og eigi að geta gert mun betur en hingað til á tímabilinu. Hann gæti fengið pening til leikmannakaupa ef styrkja þarf hópinn.

Tweet

Senda a Facebook Hafdu samband Senda frétt Prenta frétt Frétta leit