Ísak Bergmann Jóhannesson.
„Þetta er með sætari sigrum sem maður hefur upplifað á ferlinum," sagði Ísak Bergmann Jóhannesson eftir 4-1 sigur Íslands gegn Ísrael í kvöld.
Strákarnir okkar munu á þriðjudaginn spila úrslitaleik við Úkraínu um sæti á Evrópumótinu eftir þennan frábæra sigur í kvöld.
Strákarnir okkar munu á þriðjudaginn spila úrslitaleik við Úkraínu um sæti á Evrópumótinu eftir þennan frábæra sigur í kvöld.
Lestu um leikinn: Ísrael 1 - 4 Ísland
„Við erum komnir í úrslitaleik um að komast á EM. Ef einhver hefði sagt það við okkur fyrir ári síðan þá hefðum við örugglega tekið því fagnandi."
Ísrael fékk tækifæri til að jafna í 2-2 en þeir settu boltann fram hjá úr vítaspyrnu. Íslenska liðið gekk svo frá leiknum en það má með sanni segja að það sé stutt á milli í þessu.
„Það var einhver uppi með okkur núna, Guð var með okkur í vítinu þegar hann skaut fram hjá. Maður var farinn að hugsa hvað væri að fara að gerast en svo skorar Albert geggjað mark, 3-1, og maður róast við það. Þetta rauða spjald gerði líka svolítið mikið," sagði Ísak.
Hægt er að sjá allt viðtalið í spilaranum hér að ofan.
Athugasemdir
