Í hlaðvarpsþættinum Heimavellinum sem birtist í gær var spáð í spilin fyrir Pepsi Max-deild kvenna í sumar. Hulda Mýrdal og Mist Rúnarsdóttir fóru yfir málin með Báru Kristbjörgu Rúnarsdóttur.
Pepsi Max-deild kvenna fer af stað í næsta mánuði og er spennan farin að magnast fyrir tímabilinu.
Það má búast við titilbaráttu á milli Breiðablik og Vals, og þá stefnir Selfoss væntanlega einnig á titilbaráttu. Heimavöllurinn spáir Blikum titlinum. „Ég held að þær hafi verið rosalega súrar eftir síðasta tímabil," sagði Bára, en Blikar höfnuðu í öðru sæti á eftir Val á síðustu leiktíð.
Þrótti Reykjavík og ÍBV er spáð niður um deild, en spána má sjá í heild sinni hér að neðan.
Hægt er að hlusta á umræðuna í Podcast veitum og í spilaranum hér neðar í fréttinni.
Spá Heimavallarins:
10. Þróttur R.
9. ÍBV
8. FH
7. Stjarnan
6. Þór/KA
5. KR
4. Fylkir
3. Selfoss
2. Valur
1. Breiðablik
Athugasemdir