Josep Guardiola var mjög ánægður með frammistöðu lærisveina sinna í Manchester City eftir 1-1 jafntefli gegn Southampton í dag. Hann telur þetta hafa verið eina af bestu frammistöðum sinna manna á tímabilinu.
Southampton tók forystuna snemma leiks og átti Man City erfitt með að jafna þrátt fyrir nokkur góð færi. Jöfnunarmarkið kom þó loks á 65. mínútu þegar Aymeric Laporte skoraði eftir aukaspyrnu.
„Þetta var ein af okkar allra bestu frammistöðum á tímabilinu. Við vorum óheppnir að fá mark á okkur og úrslitin eru ekki tilvalin en það breytir ekki að frammistaðan var mögnuð," sagði Guardiola eftir leikinn.
„Þeir voru ótrúlega vel skipulagðir. Við spiluðum betur í dag heldur en við gerðum gegn Arsenal, og það var leikur sem við unnum. Stundum á maður skilið að vinna en nær ekki í stigin.
„Southampton er virkilega gott lið en við vorum einfaldlega stórkostlegir í dag. Vonandi höldum við áfram að spila svona vel út tímabilið.
„Ég skil ekki fólk sem taldi okkur ekki eiga góðan leik í dag. Mín upplifun var akkurat öfug."
Man City er með tólf stiga forystu á Liverpool sem á tvo leiki til góða.
„Ég væri til í að vera með 40 stiga forystu á Liverpool og Chelsea en það er því miður ekki hægt. Ég bjóst ekki við að vera með svona mikla forystu á þessum tímapunkti, við þurfum að halda áfram að gera vel."
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 35 | 23 | 7 | 5 | 67 | 26 | +41 | 76 |
| 2 | Man City | 34 | 21 | 8 | 5 | 69 | 32 | +37 | 71 |
| 3 | Man Utd | 35 | 18 | 10 | 7 | 63 | 48 | +15 | 64 |
| 4 | Liverpool | 35 | 17 | 7 | 11 | 59 | 47 | +12 | 58 |
| 5 | Aston Villa | 35 | 17 | 7 | 11 | 48 | 44 | +4 | 58 |
| 6 | Bournemouth | 35 | 12 | 16 | 7 | 55 | 52 | +3 | 52 |
| 7 | Brentford | 35 | 14 | 9 | 12 | 52 | 46 | +6 | 51 |
| 8 | Brighton | 35 | 13 | 11 | 11 | 49 | 42 | +7 | 50 |
| 9 | Chelsea | 35 | 13 | 9 | 13 | 54 | 48 | +6 | 48 |
| 10 | Everton | 35 | 13 | 9 | 13 | 44 | 44 | 0 | 48 |
| 11 | Fulham | 35 | 14 | 6 | 15 | 44 | 49 | -5 | 48 |
| 12 | Sunderland | 35 | 12 | 11 | 12 | 37 | 46 | -9 | 47 |
| 13 | Newcastle | 35 | 13 | 6 | 16 | 49 | 51 | -2 | 45 |
| 14 | Leeds | 35 | 10 | 13 | 12 | 47 | 52 | -5 | 43 |
| 15 | Crystal Palace | 34 | 11 | 10 | 13 | 36 | 42 | -6 | 43 |
| 16 | Nott. Forest | 35 | 11 | 9 | 15 | 44 | 46 | -2 | 42 |
| 17 | Tottenham | 35 | 9 | 10 | 16 | 45 | 54 | -9 | 37 |
| 18 | West Ham | 35 | 9 | 9 | 17 | 42 | 61 | -19 | 36 |
| 19 | Burnley | 35 | 4 | 8 | 23 | 35 | 71 | -36 | 20 |
| 20 | Wolves | 35 | 3 | 9 | 23 | 25 | 63 | -38 | 18 |
