Eddie Nketiah skoraði sigurmark Arsenal í 3-2 sigrinum á Manchester United í ensku úrvalsdeildinni í kvöld en hann sýndi ótrúleg tilþrif í þessu verðmæta marki heimamanna.
Arsenal sótti í gegnum Leandro Trossard, sem var að spila sinn fyrsta leik fyrir félagið.
Trossard færði boltann til vinstri á Oleksandr Zinchenko og þaðan kom boltinn inn í teiginn. Martin Ödegaard reyndi skot sem fór af varnarmanni og til Nketiah á fjærstöng.
Boltinn kom á lofti til Nketiah sem bauð upp á skemmtileg tilþrif með því að spyrna boltanum með hælnum í netið.
VAR athugaði með rangstöðu í markinu en það var tvísýnt hvort Zinchenko hafi verið í rangstöðu þegar hann fékk boltann vinstra megin við teiginn. Ekkert var dæmt og stóð sigurmarkið, en það má sjá hér fyrir neðan.
Sjáðu markið hjá Nketiah
Athugasemdir