Martin Hermanns keppir 20 metrum frá landsleiknum

Það verður annar áhugaverður íþróttakappleikur á sama tíma og Ísland leikur gegn Andorra, aðeins 20 metrum frá!

Martin Hermannsson, landsliðsmaður í körfubolta, er að fara að keppa með liði sínu Alba Berlín gegn MoraBanc Andorra í Evrópukeppninni.

Körfuboltahöllin er við hlið þjóðarleikvangsins í fótbolta og er knattspyrnusamband Andorra búið að reikna út að það eru aðeins 20 metrar á milli, eins og sjá má í myndbandinu hér að neðan.

Leikirnir tveir verða á nákvæmlega sama tíma en þess má til gamans geta að Martin, sem er mikill fótboltaáhugamaður, er fyrrum vallarstarfsmaður á Laugardalsvelli.