ÍA 2 - 1 KA (18:00 í kvöld)
Ég held að þetta verði baráttuleikur en ÍA hefur sigur á heimavelli. Deano aðstoðarþjálfari verður í banni og í rauðum bol í stúkunni að horfa á. Hann mun fagna sigri, sá hlær best sem síðast hlær! En án gríns þá er ÍA með gott lið og flott þjálfarateymi, þeir verða sterkir í sumar. KA hefur farið hægt af stað og það heldur aðeins áfram en svo hitna þeir þegar líður á mótið.

Keflavík 1 - 2 Breiðablik (18:00 í kvöld)
Sumarið verður erfitt hjá Keflavík, þeir þurfa meiri styrkingu og það verður sigur fyrir þá að ná að halda sér uppi. Stefan Ljubicic mun þó skora fullt af mörkum fyrir þá. Þetta verður lokaður leikur og endar með sigri Breiðabliks.

ÍBV 1 - 3 KR (13:00 á morgun)
KR fær yfirleitt á sig mark eða mörk en skora líka yfirleitt mikið og hafa farið vel af stað. ÍBV mun eiga erfitt sumar og verða í fallbaráttu. KR tekur þennan leik nokkuð létt.

Þór 1 - 2 Fram (17:00 á morgun)
Fram er með betra lið en Þór. En það er pottþétt erfitt að fara norður og ná í öll 3 stigin. Ég held þó að gæði leikmanna Fram muni samt hafa yfirhöndina og þeir vinna þennan leik 1-2 en það verður ekki létt.

Víkingur R. 2 - 1 Stjarnan (19:15 á morgun)
Þarna mætast tvö bestu lið Íslands núna. Leikmannahópur Víkings er sá sterkasti sem hefur nokkurn tímann sést hjá félagsliði á Íslandi. Þeir vinna þennan leik á heimavelli. Þeir munu vinna langflesta leikina sína í sumar. Stjarnan mun veita þeim einhverja samkeppni en ekki nægilega.

Valur 1- 0 FH (19:15 á morgun)
Þarna mætast tvö lið sem hafa oft verið sterkari. Ég hef trú á að Valur vinni jafnan leik og að Adam Pálsson leggi upp sigurmarkið. Bæði lið verða um miðja deild en gætu líka alveg sogast niður í neðri hlutann.

Fyrri spámenn:
Ágúst Brynjars (3 réttir)
Siggi Hall (1 réttur)