Victor Boniface kominn til Leverkusen (Staðfest)
Mynd: EPA
Mynd: EPA
Bayer Leverkusen er að festa kaup á nígeríska framherjanum Victor Boniface sem var valinn í draumalið ársins í Evrópudeildinni á síðustu leiktíð, spilandi fyrir Royale Union Saint-Gilloise frá Belgíu.
Leverkusen borgar 20 milljónir evra fyrir Boniface, en ofan á það bætast árangurstengdar aukagreiðslur sem nema tæpum 10 milljónum til viðbótar og prósentuhlutfall af næstu sölu leikmannsins.
Boniface er 22 ára gamall og braust fram í sviðsljósið með Bodö/Glimt í Noregi og var keyptur til Union SG í ágúst í fyrra. Hann kom að 29 mörkum í 51 leik á sínu fyrsta tímabili hjá Union SG og hjálpaði liðinu alla leið í 8-liða úrslit Evrópudeildarinnar. Þar slógu Belgarnir meðal annars Union Berlin, Malmö og Braga úr leik áður en þeir töpuðu gegn Bayer Leverkusen.
Boniface fer í læknisskoðun hjá Leverkusen í dag og verður kynntur á næstu dögum, en Leverkusen leikur í riðlakeppni Evrópudeildarinnar í haust.
Uppfært: Leverkusen hefur staðfest félagsskiptin
Announce Boniface?
— Bayer 04 Leverkusen (@bayer04_en) July 22, 2023
Ok then… ????
Victor #Boniface, Announced! ?#Bayer04 I #Werkself I #WelcomeVictor ?????? pic.twitter.com/qkXMuSGGWf
