Það voru senur í 4. deild karla í kvöld. Hvíti riddarinn tryggði sér þáttökurétt í úrslitakeppninni á kostnað Snæfells.
A-riðill:
Í A-riðli Ísbjörninn sinn þriðja sigur í sumar þegar liðið lagði SR, 2-1 á útivelli. Ísbjörninn kom til baka í seinni hálfleik. Samkvæmt úrslit.net þá klúðraði Nik Chamberlain, þjálfari kvennaliðs Þróttar, vítaspyrnu í uppbótartíma. Ísbjörninn endar í sjöunda sæti með níu stig, SR endar í sjötta sæti með 14 stig. Í hinum leik kvöldsins unnu Vatnaliljur 6-2 sigur gegn Mídas. Vatnaliljur enda í fimmta sæti með 16 stig og Mídas í áttunda og neðsta sæti riðilsins með níu stig.
Björninn og Ýmir fara í úrslitakeppnina úr A-riðli.
SR 1 - 2 Ísbjörninn
1-0 Þorvaldur Skúli Skúlason ('43)
1-1 Þorlákur Ingi Sigmarsson ('63, víti)
1-2 Baba Bangoura ('71)
1-2 Nik Anthony Chamberlain ('93, misnotað víti)
Vatnaliljur 6 - 2 Mídas
B-riðill:
Það var mikil dramatík í B-riðlinum þar sem Hvíti riddarinn lagði Snæfell að velli, 2-1. Birgir Freyr Ragnarsson skoraði sigurmarkið eftir hornspyrnu undir lokin. Þessi úrslit þýða að Hvíti riddarinn fer í úrslitakeppnina á fleiri skoruðum mörkum en Snæfell. Bæði lið enda með 34 stig og 47+ í markatölu. Hvíti riddarinn skorar hins vegar fleiri mörk, 64 gegn 62 hjá Snæfell. Snæfell er ekki í góðum málum eftir þessi úrslit. Liðið fer ekki í úrslitakeppnina nema að Úlfarnir taki stig af Kormáki/Hvöt á laugardag.
Hvíti riddarinn 2 - 1 Snæfell
1-0 Gunnar Andri Pétursson ('19)
1-1 Markaskorara vantar ('82)
2-1 Birgir Freyr Ragnarsson ('87)
C-riðill:
Það var blásið til sóknar í eina leik C-riðils þar sem Léttir og Álafoss áttust við. Léttir komst í 2-0, en Álafoss svaraði því með fimm mörkum og komst í 5-2. Léttir minnkaði muninn í 5-4, en aftur svaraði Álafoss því vel og vann að lokum 8-4 sigur. Álafoss endar tímbilið með 19 stig í fjórða sæti. Léttir endar í sjöunda sæti með 12 stig úr 14 leikjum.
GG og Hamar fara í úrslitakeppnina úr C-riðli.
Léttir 4 - 8 Álafoss
Markaskorarar af urslit.net
Athugasemdir