22.10.20 - 10:30
Magnús Már Einarsson
Fabinho blómstrar í vörninni - Klopp segir hann geta ennþá betur
Mynd: Getty Images
Mynd: Getty Images
„Fabinho getur spilað í þessari stöðu og hann kann vel við það," sagði Jurgen Klopp, stjóri Liverpool, eftir 1-0 útisigurinn á Ajax í gær.
Brasilíski miðjumaðurinn Fabinho lék við hlið Joe Gomez í hjarta varnarinnar í fjarveru Virgil van Dijk og Joel Matip.
Fabinho átti frábæran leik en í þeim fimm leikjum sem hann hefur spilað í vörninni hjá Liverpool hefur liðið fjórum sinnum haldið hreinu.
Brasilíski miðjumaðurinn Fabinho lék við hlið Joe Gomez í hjarta varnarinnar í fjarveru Virgil van Dijk og Joel Matip.
Fabinho átti frábæran leik en í þeim fimm leikjum sem hann hefur spilað í vörninni hjá Liverpool hefur liðið fjórum sinnum haldið hreinu.
„Ég er ekki hissa á að hann spilaði vel þarna og við hugsuðum ekki um aðra lausn á þessu, það hefði verið mjög flókið," sagði Klopp um meiðslavandræðin í vörninni.
„Ég er mjög ánægður með hann og fyrir hans hönd. Þetta gefur honum sjálfstraust og hjálpar okkur. Hann var góður en hann getur spilað ennþá betur!"
„Ég er mjög ánægður með hann og fyrir hans hönd. Þetta gefur honum sjálfstraust og hjálpar okkur. Hann var góður en hann getur spilað ennþá betur!"
