Lið vikunnar í enska - Gylfi í liði BBC
Mynd: Getty Images
Mynd: Getty Images
Það er Garth Crooks sem sér um valið en Everton vann um liðna helgi 2-1 sigur á móti Arsenal þar sem Gylfi lagði upp sigurmarkið úr hornspyrnu. Þetta var sautjánda stoðsending hans úr föstu leikatriði síðan hann kom í ensku úrvalsdeildina.
Leicester vann 2-0 sigur gegn Tottenham og komst upp í annað sæti deildarinnar og Manchester United er í því þriðja eftir að hafa unnið Sheffield United og skellt svo Leeds 6-2.
Aston Villa vann West Brom sannfærandi og Manchester City lagði Southampton 1-0 á útivelli.
Emiliano Martínez (Aston Villa) - Hefur haldið marki sínu hreinu oftast markvarða í ensku úrvalsdeildinni á þessu tímabili.
Mynd: Getty Images
Joel Matip (Liverpool) - Hefur leikið vel í vörn Liverpool og er hrikalega öflugur í loftinu.
Mynd: Getty Images
Thiago Silva (Chelsea) - Skoraði eftir hornspyrnu gegn West Ham.
Mynd: Getty Images
Tyrone Mings (Aston Villa) - Villa elskar að halda hreinu og Mings er algjör lykilmaður í því.
Mynd: Getty Images
Jordan Henderson (Liverpool) - Frábær vika hjá fyrirliðanum. Skoraði í stórsigrinum gegn Palace.
Mynd: Getty Images
Bruno Fernandes (Manchester United) - Enn og aftur er hann drifkrafturinn á bak við sigurleiki Manchester United.
Mynd: Getty Images
Scott McTominay (Manchester United) - Skoraði tvö mörk á fyrstu þremur mínútum leiksins gegn Leeds.
Mynd: Getty Images
Gylfi Þór Sigurðsson (Everton) - Hefur stigið verulega upp með Everton þar sem hann hefur borið fyrirliðabandið. Hefur leitt liðið í sterkum sigurleikjum.
Mynd: Getty Images
Mohamed Salah (Liverpool) - Kom af bekknum gegn Palace, skoraði tvö mörk og lagði eitt upp.
Mynd: Getty Images
Jamie Vardy (Leicester) - Skoraði í sigri Leicester gegn Tottenham.
Mynd: Getty Images
Roberto Firmino (Liverpool) - Var stórkostlegur gegn Palace. Tvö mörk og stoðsending. Er nú kominn með 62 mörk og 38 stoðsendingar í úrvalsdeildinni = 100.
Mynd: Getty Images
Mynd: BBC
