England: Sæti Bruce orðið verulega heitt

Aston Villæa vann þægilegan sigur í ensku úrvalsdeildinni í kvöld er liðið spilaði við Newcastle á Villa Park.

Newcastle hefur gengið mjög erfiðlega undanfarið og hefur tapað fjórum síðustu leikjum sínum eftir tapið í kvöld.

Ollie Watkins og Bertrand Traore gerðu mörk Villa í leiknum en þau komu bæði í fyrri hálfleik.

Villa var miklu betra liðið í leik kvöldsins og ljóst er að sæti Steve Bruce hjá Newcastle er orðið verulega heitt.

Newcastle er enn sjö stigum frá fallsæti en liðið fékk síðast stig þann 30. desember í markalausu jafntefli gegn Liverpool.

Villa lyftri sér upp í áttunda sæti deildarinnar með sigrinum og er fjórum stigum frá Tottenham sem er í fimmta sæti.