Frammistaða Alberts Guðmundssonar í leik íslenska landsliðsins gegn Ísrael um helgina hefur vakið athygli víða.
Albert skoraði þrennu og átti stóran þátt í einu marki í 4-1 sigri sem tryggði liðinu úrslitaleik gegn Úkraínu um sæti á EM sem fram fer á þriðjudaginn í Póllandi.
Radu Dragusin leikmaður Tottenham og fyrrrum samherji Alberts hjá Genoa var virkilega ánægður með hann, en hann deildi skjáskoti af úrslitum leiksins ásamt mynd af Alberti á Instagram.
Hann lét örstutt og hnitmiðuð skilaboð fylgja myndinni.
„Leyfið honum að elda (e. Let him cook)," skrifaði Dragusin.
Athugasemdir