Eftir að Solskjær fór úr klefanum skapaðist þar hávaðarifrildi og heyrðust lætin vel fram á gang.

Samkvæmt enskum fjölmiðlum þá hreinsaði Solskjær andrúmsloftið á æfingasvæðinu í gær og fundaði með leikmönnum.

Manchester United, sem mætir grönnum sínum í City í grannaslag annað kvöld, hefur tapað sex af síðustu átta leikjum.

„Það gekk ekkert upp hjá okkur og það sem skiptir mestu er hugarfar okkar á vellinum. Það verður að breytast og við leyfðum stjóranum að tala í klefanum eftir leik og þetta var okkur ekki til framdráttar," sagði miðjumaðurinn Paul Pogba við fjölmiðla.

„Þetta var vanvirðing gegn liðsfélögum okkar, þjálfaraliðinu, fólkinu, búningastjóranum og í raun öllum sem koma að félaginu og það sem við gerðum á vellinum um leið skyggðum við á gleði fjölda fólks og við erum við ekkert sérstaklega ánægðir með okkur eftir þennan leik en við verðum að bregðast við þessu."