banner
banner
miðvikudagur 27. mars
Úrslitaleikur Lengjubikarsins
þriðjudagur 26. mars
Umspilsleikur um EM sæti
U21 karla - EM 25 undankeppni
fimmtudagur 21. mars
EM umspilið
miðvikudagur 20. mars
Lengjubikar karla - Undanúrslit
sunnudagur 10. mars
Enska úrvalsdeildin
þriðjudagur 27. febrúar
Landslið kvenna - Þjóðadeild umspil
föstudagur 23. febrúar
fimmtudagur 1. febrúar
Úrslitaleikur Reykjavíkurmótsins
fimmtudagur 18. janúar
Vináttulandsleikur
sunnudagur 14. janúar
fimmtudagur 14. desember
Sambandsdeild UEFA
föstudagur 8. desember
Úrslitaleikur Bose-mótsins
þriðjudagur 5. desember
Þjóðadeild kvenna
mánudagur 4. desember
Umspil fyrir HM U20
föstudagur 1. desember
Þjóðadeild kvenna
fimmtudagur 30. nóvember
Sambandsdeild UEFA
sunnudagur 19. nóvember
Undankeppni EM
fimmtudagur 9. nóvember
Sambandsdeild UEFA
þriðjudagur 31. október
Landslið kvenna - Þjóðadeild
föstudagur 27. október
fimmtudagur 26. október
Sambandsdeild UEFA
miðvikudagur 18. október
Forkeppni Meistaradeildar kvenna
þriðjudagur 17. október
Undankeppni EM
föstudagur 13. október
þriðjudagur 10. október
Meistaradeild kvenna
sunnudagur 8. október
Besta-deild karla - Efri hluti
fimmtudagur 5. október
Sambandsdeild UEFA
mánudagur 2. október
Besta-deild karla - Efri hluti
sunnudagur 1. október
Besta-deild karla - Neðri hluti
Besta-deild karla - Efri hluti
Besta-deild karla - Neðri hluti
föstudagur 29. september
Fótbolti.net bikarinn
þriðjudagur 26. september
Landslið kvenna - Þjóðadeild
mánudagur 25. september
Besta-deild karla - Efri hluti
sunnudagur 24. september
Besta-deild karla - Neðri hluti
Besta-deild karla - Efri hluti
Besta-deild karla - Neðri hluti
Lengjudeild karla - Umspil
laugardagur 23. september
Besta-deild karla - Neðri hluti
Fótbolti.net bikarinn
föstudagur 22. september
Landslið kvenna - Þjóðadeild
fimmtudagur 21. september
Sambandsdeildin
miðvikudagur 20. september
Besta-deild karla - Efri hluti
Lengjudeild karla - Umspil
Besta-deild karla - Neðri hluti
mánudagur 18. september
fimmtudagur 14. september
Besta-deild kvenna - Efri hluti
miðvikudagur 13. september
þriðjudagur 12. september
Undankeppni EM U21 landsliða
mánudagur 11. september
Undankeppni EM
sunnudagur 10. september
Besta-deild kvenna - Neðri hluti
laugardagur 9. september
Lengjudeild karla
fimmtudagur 28. mars
CHAMPIONS LEAGUE: Playoffs - Women
Barcelona W - SK Brann W - 17:45
PSG (kvenna) - Hacken W - 20:00
Vináttulandsleikur
Argentina U-16 - Cote dIvoire U-16 - 17:30
Czech Republic U-16 - Mexico U-16 - 17:30
France U-16 - Saudi Arabia U-16 - 17:30
Japan U-16 - Wales U-16 - 17:30
fös 23.apr 2021 14:30 Mynd: Fótbolti.net - Hafliði Breiðfjörð
Magazine image

Spá Fótbolta.net - 5. sæti: KA

Sérfræðingar Fótbolta.net spá því að KA muni enda í 5. sæti í Pepsi Max-deildinni í sumar. Álitsgjafar spá í deildina en þeir raða liðunum upp í röð og það lið sem er í efsta sæti fær 12 stig, annað sæti 11 og svo koll af kolli niður í tólfta sæti sem gefur eitt stig. Akureyringar enda í fimmta sæti ef spáin rætist.

Belgíski miðjumaðurinn Sebastiaan Brebels.
Belgíski miðjumaðurinn Sebastiaan Brebels.
Mynd/Fótbolti.net - Sævar Geir Sigurjónsson
Daníel Hafsteinsson er kominn aftur til KA.
Daníel Hafsteinsson er kominn aftur til KA.
Mynd/Fótbolti.net - Sævar Geir Sigurjónsson
Jonathan Hendrickx.
Jonathan Hendrickx.
Mynd/Fótbolti.net - Sævar Geir Sigurjónsson
Ásgeir Sigurgeirsson.
Ásgeir Sigurgeirsson.
Mynd/Fótbolti.net - Sævar Geir Sigurjónsson
Frá Greifavellinum á Akureyri.
Frá Greifavellinum á Akureyri.
Mynd/Fótbolti.net - Sævar Geir Sigurjónsson
Markvörðurinn Kristijan Jajalo.
Markvörðurinn Kristijan Jajalo.
Mynd/Fótbolti.net - Hafliði Breiðfjörð
Hallgrímur Mar Steingrímsson.
Hallgrímur Mar Steingrímsson.
Mynd/Fótbolti.net - Hafliði Breiðfjörð
Sævar Pétursson og Hallgrímur Jónasson.
Sævar Pétursson og Hallgrímur Jónasson.
Mynd/Fótbolti.net - Tom
Mynd/Fótbolti.net - Hafliði Breiðfjörð
Spáin:
1. ?
2. ?
3. ?
4. ?
5. KA 78 stig
6. Stjarnan 69 stig
7. Víkingur 57 stig
8. Fylkir 56 stig
9. HK 40 stig
10. Keflavík 28 stig
11. ÍA 23 stig
12. Leiknir 14 stig

Um liðið: Fulltrúar norðurlands í efstu deild höfnuðu í sjöunda sæti í Pepsi Max-deildinni í fyrra og ætla sér stærri hluti þetta árið. Þeir hafa bætt við sig öflugum leikmönnum og endurheimt leikmenn af meiðslalistanum.



Þjálfari - Arnar Grétarsson: Býr yfir yfirgripsmikilli þekkingu í boltanum og er með mikla reynslu. Hann tók við KA í júlí í fyrra eftir að Óli Stefán Flóventsson var rekinn. Mikil ánægja er með störf Arnars á Akureyri og hann gerði tveggja ára samning við félagið í vetur. Hann og félagið deila miklum metnaði og KA ætlar að gefa öllum leik í sumar.

Styrkleikar: Varnarleikurinn og heimavöllurinn. KA tapaði ekki leik á Greifavellinum 2020 og er það félag sem hefur tapað fæstum leikjum á heimavelli síðustu fimm ár, ásamt Val. KA kann svo sannarlega á völlinn sinn, sem hefur fengið sinn skerf af gagnýni. Undirbúningur fyrir flutning á KA-svæðið er í fullum gangi en það er ekki raunhæft alveg strax. Varnarleikur KA hefur verið öflugur og liðið fékk til dæmis aðeins á sig 20 mörk á síðasta tímabili þrátt fyrir að fyrirliðinn Hallgrímur Jónasson hafi meiðst illa. Tilkoma Jonathans Hendrickx í vörnina styrkir hana enn frekar. Arnar Grétarsson kann svo sannarlega að stilla upp liðum sínum í góðan varnarleik.

Veikleikar: Brothættir sóknarmenn. Mikið mun velta á standinu á Elfari Árna Aðalsteinssyni. Húsvíkingurinn hefur verið einn af bestu mönnum KA síðustu ár en meiddist illa á síðasta tímabili. Hann er ekki enn farinn á fulla ferð og spurning hvernig staðan á honum sé. Ef KA fengi 10 mörk frá honum myndi það breyta miklu, en ef ekki, hvernig stíga aðrir upp? Ásgeir Sigurgeirsson hefur átt góð tímabil, en ekki skorað mikið síðustu tvö (2 mörk í 18 leikjum 2020 og 1 mark í 15 leikjum 2019) en hann skoraði mikið árið 2018 (10 mörk í 19 leikjum). KA skoraði ekki nema 21 mark 2020 en hafa gæði í mönnum til að stíga upp. Hallgrímur Mar Steingrímsson er einn þeirra.

Lykilmenn: Brynjar Ingi Bjarnason og Daníel Hafsteinsson, tveir uppaldir KA-menn. Brynjar sannaði sig sem einn efnilegasta miðvörð landsins á síðasta tímabili. Tók við keflinu af bróðir sínum Davíð Rúnari sem var fyrirliði KA þegar liðið vann 1. deildina árið 2016. Brynjar er afar klókur og mikill leiðtogi, algjör lykilmaður í liðinu. Spennandi verður að sjá samvinnu hans og Serbans Dusan Brkovic í miðverðinum. Daníel er svo sá sem á að skapa á miðjunni, en koma hans aftur til KA eftir dvöl hjá Helsingborg og FH er mikill styrkur. Getur sprengt upp leiki upp á sitt einsdæmi.



Fantabrögð mæla með í Draumaliðsdeild Eyjabita:
Það væri stórkostlegt grín að kalla sig Fantasy sérfræðinga og fara að mæla með einhverju öðru en varnarmönnum þegar horft er á KA liðið undir stjórn Arnars Grétarssonar. Spurningin er bara hvort Brynjar Ingi eða Jonathan Hendrickx fái fleiri stig. Brynjar var næst stigahæsti varnarmaðurinn í fyrra. KA geta haldið hreinu gegn hverjum sem er og Brynjar með sín mörk en fyrir sama verð höldum við að Jonathan Hendrickx muni fá aðeins fleiri stig. Í rauninni væri alveg hægt að hafa báða.
Smelltu hér til að fara í Draumaliðsdeild Eyjabita

Hlaðvarpsþátturinn Ungstirnin mælir með:
Brynjar Ingi Bjarnason er einn efnilegasti varnarmaður okkar Íslendinga þessa stundina og voru Akureyringar klórandi sér í hausnum að hann væri ekki í lokahóp U21 sem fór á EM. Brynjar átti frábært tímabil í fyrra í liði KA sem spilaði góðan og agaðan varnarleik. Brynjar braust inn í lið KA árið 2019 er hann spilaði tólf leiki það tímabil en árið 2020 spilaði hann alla átján leikina sem spilaðir voru. Nú eru miklar kröfur gerðar til KA og stefnan er sett á Evrópusæti og það verður virkilega spennandi að fylgjast með Brynjari sem lykilleikmanni í öflugri varnarlínu.

Spurningarnar: Haldast lykilmenn heilir? Hversu öflugt miðvarðapar mynda Brynjar og Dusan? Hvað býður Greifavöllurinn upp á þetta sumarið? Hversu langt nær Arnar með þetta lið?

Völlurinn: Greifavöllurinn er barn síns tíma og oft í slæmu ástandi. Flestir liðum þykir ekki sérlega skemmtilegt að fara norður til að spila á þessum velli og erfitt er að spila góðan fótbolta á honum.

„Það verða margir leikir í maí og mikið álag á mannskapnum"

Þjálfarinn segir - Arnar Grétarsson
„Ég átti von á því að okkur yrði spáð í fimmta eða sjötta sæti. Ég hélt að Stjarnan yrði mögulega fyrir ofan okkur en þetta er bara spá. Undirbúningurinn hefur ekki verið sá besti fyrir liðin en öll þessi lið sem er verið að spá um miðja deild vilja gera betur en það. Það er hörkusamkeppni og menn þurfa að eiga marga góða leiki til að enda í efstu sætunum. Við erum í Hveragerði í nokkra daga saman og spilum síðasta æfingaleikinn á morgun. Það er verið að púsla þessu saman og það er mikil tilhlökkun að komast af stað. Það verða margir leikir í maí og mikið álag á mannskapnum. Það skiptir miklu máli að ná góðu starti því þú ert búinn með 1/3 af mótinu í maí."

Komnir
Daníel Hafsteinsson frá Helsingborg
Dusan Brkovic frá Ungverjalandi
Jonathan Hendrickx frá Lommel í Belgíu
Sebastiaan Brebels frá Lommel í Belgíu
Steinþór Már Auðunsson frá Magna

Farnir
Almarr Ormarsson í Val
Aron Dagur Birnuson í Grindavík
Guðmundur Steinn Hafsteinsson til Þýskalands
Jibril Abubakar til Midtjylland (Var á láni)
Mikkel Qvist til Horsens (Var á láni)

Fyrstu fimm leikir KA:
1. maí HK - KA
7. maí KR - KA
12. maí KA - Leiknir
17. maí Keflavík - KA
21. maí KA - Víkingur

Sjá einnig:
Hin hliðin - Þorri Mar Þórisson
Hin hliðin - Ívar Örn Árnason

Leikmenn KA:
1 - Ívar Arnbro Þórhallsson (m)
2 - Haukur Heiðar Hauksson
3 - Dusan Brkovic
4 - Rodrigo Gomes
5 - Ívar Örn Árnason
6 - Hallgrímur Jónasson
7 - Daníel Hafsteinsson
8 - Sebastiaan Brebels
9 - Elfar Árni Aðalsteinsson
10 - Hallgrímur Mar Steingrímsson
11 - Ásgeir Sigurgeirsson
12 - Kristijan Jajalo (m)
13 - Steinþór Már Auðunsson (m)
14 - Andri Stefánsson
16 - Brynjar Ingi Bjarnason
17 - Ýmir Már Geirsson
18 - Áki Sölvason
20 - Gunnar Örvar Stefánsson
21 - Nökkvi Þeyr Þórisson
22 - Hrannar B. Steingrímsson
23 - Steinþór Freyr Þorsteinsson
24 - Einar Ari Ármannsson
25 - Björgvin Máni Bjarnason
26 - Jonathan Hendrickx
27 - Þorri Mar Þórisson
30 - Sveinn Margeir Hauksson
31 - Þorvaldur Daði Jónsson
32 - Kári Gautason
90 - Elvar Máni Guðmundsson
44 - Valdimar Logi Sævarsson
77 - Bjarni Aðalsteinsson

Spámennirnir: Arnar Daði Arnarsson, Elvar Geir Magnússon, Guðmundur Aðalsteinn Ásgeirsson, Gunnar Birgsson, Hafliði Breiðfjörð, Ingólfur Sigurðsson, Magnús Már Einarsson, Sverrir Einarsson, Sæbjörn Þór Þórbergsson Steinke, Tómas Þór Þórðarson
Athugasemdir
banner
banner