Al-Hilal í Sádi-Arabíu hefur áhuga á að kaupa portúgalska framherjann Rafael Leao frá AC Milan í sumar.
Portúgalska dagblaðið O Jogo segir frá þessu en þar kemur fram að riftunarverðið í samningi Leao sé ekkert vandamálið fyrir sádi-arabíska félagið.
Riftunarverðið í samningi Leao hljóðar upp á 175 milljónir evra en ef hann yrði keyptur á þá upphæð, þá yrði hann þriðji dýrasti fótboltamaður sögunnar á eftir Neymar og Kylian Mbappe.
Al-Hilal á sér það markmið að byggja upp lið sem er nægilega sterkt til að vinna HM félagsliða.
Leao er 24 ára gamall portúgalskur landsliðsmaður sem hefur spilað stórt hlutverk í liði AC Milan frá 2019. Á yfirstandandi tímabili hefur hann gert 14 mörk í 46 keppnisleikjum.
Athugasemdir